Лінкі ўнівэрсальнага доступу

Мітрапаліт Веньямін забараніў выконваць гімн «Магутны Божа», бо ён «падзяляе грамадзтва»


Мітрапаліт Веньямін

Мітрапаліт Менскі і Заслаўскі Веньямін, патрыяршы экзарх усяе Беларусі, сказаў гэта 14 кастрычніка на багаслужбе, прымеркаванай да царкоўнага сьвята Пакроваў, у Сьвята-Пакроўскім саборы ў Горадні.

«Ня трэба выконваць сьпеў сьвецкага характару, які падзяляе наша грамадзтва, — „Магутны Божа“. Хоць ён мае духоўную афарбоўку, але, тым ня менш, хтосьці радуецца выкананьню гэтага сьпеву, а хтосьці засмучаецца. У нас дастаткова сьпеваў, якія не падзяляюць, а яднаюць наша грамадзтва, нашы прыходы. І клопат кожнага настаяцеля павінен быць пра гэта. І клопат кожнага хрысьціяніна — каб мы былі адзіныя ў Хрысьце».

Пра гімн – ад 10:30.

Мітрапаліт не зьбіраецца замацоўваць гэтае распараджэньне нейкімі ўказамі, бо «кожны павінен мець свой хрысьціянскі, эвангельскі погляд, які яму дапамогуць накіраваць у патрэбнае рэчышча».

«Гасподзь дапаможа, каб мы зьядналіся, згуртаваліся і вярнуліся да ціхай, мірнай Беларусі, якая жыве пад эвангельскім пачаткам» — завяршыў мітрапаліт Веньямін.

Раней мітрапаліт Менскі і Заслаўскі Веньямін, патрыяршы экзарх усяе Беларусі, выступіў супраць збору подпісаў за адкліканьне зь япіскапскай катэдры архіяпіскапа Арцемія, які асудзіў гвалт сілавікоў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG