Лінкі ўнівэрсальнага доступу

Выкладчыца БДУ падпісвала звароты супраць гвалту. Ёй не працягнулі кантракт


Марʼяна Грузьдзіловіч

Выкладчыца ангельскай мовы Мар’яна Грузьдзіловіч працавала ў БДУ апошнія 10 гадоў. У сярэдзіне навучальнага году кіраўніцтва вырашыла кантракт зь ёй не працягваць.​

Мар’яна, якая займае пасаду старшага выкладчыка, лічыць, што галоўнай прычынай стала яе актыўная грамадзянская пазыцыя.
«Я сваёй пазыцыі ніколі не хавала, — кажа яна. — Падпісвала ўсе звароты супраць гвалту. Была ў Саюзе жанчын БДУ тры гады. Вельмі шмат там зрабіла як шараговы ўдзельнік. Але 1 верасьня напісала заяву на выхад пасьля ўсіх гэтых падзей. І калі мяне спытала кіраўніцтва, я сказала, што сыходжу па палітычных матывах».


Мар’яне Груздзіловіч 61 год, яна ўжо на пэнсіі. Кажа, што ў сьнежні мелася, як кожныя 5 гадоў, праходзіць конкурс на пасаду. Працоўны кантракт у яе сканчаецца 23 сьнежня. Аднак 13 лістапада яе выклікалі ў аддзел кадраў і паказалі паперу за подпісам рэктарам ад 24 кастрычніка пра тое, што кантракт зь ёй працягнуты ня будзе. Прычыны гэтага патлумачыць у аддзеле кадраў адмовіліся, кажа Мар’яна.

Мар’яна Грузьдзіловіч — жонка шматгадовага карэспандэнта Радыё Свабода Алега Грузьдзіловіча. 10 лістапада позна ўвечары яго забралі з кватэры ў Фрунзэнскі РУУС, завезьлі на Акрэсьціна. 12 лістапада Грузьдзіловічу прысудзілі 15 сутак арышту нібыта за ўдзел у несанкцыянаваным масавым мерапрыемстве. Груздзіловіч на судзе сьцьвярджаў, што працаваў на акцыі як журналіст выданьня «Народная Воля», прадставіў суду копію рэдакцыйнага заданьня.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG