Лінкі ўнівэрсальнага доступу

Расея забараніла ўезд 25 прадстаўнікам Вялікай Брытаніі


Марыя Захарава

Расея забараніла ўезд на сваю тэрыторыю 25 прадстаўнікам Вялікабрытаніі. Пра гэта заявіла ў суботу прадстаўнік МЗС Расеі Марыя Захарава.

Па яе словах, гаворка ідзе пра адказ на ўведзеныя раней брытанскімі ўладамі санкцыі супраць 25 расейскіх афіцыйных асоб па «справе Магніцкага». Захарава назвала гэтыя санкцыі «спробай умяшаньня ва ўнутраныя справы іншай дзяржавы і аказаньня ціску на расейскую сыстэму правасудзьдзя».

Сьпіс расейцаў, якія падпалі пад санкцыі Лёндана, быў апублікаваны на пачатку ліпеня. У яго ўключаныя людзі, якіх Брытанія лічыць датычнымі да крымінальнага перасьледу і гібелі ў СІЗА Масквы юрыста Сяргея Магніцкага ў 2009 годзе. У сьпісе, у прыватнасьці, кіраўнік Сьледчага камітэту Расеі Аляксандар Бастрыкін і судзьдзя Аляксей Крываручка. Гэта першыя санкцыі, уведзеныя Вялікай Брытаніяй супраць замежных грамадзян пасьля яе выхаду з ЭЗ.

Сьпіс брытанскіх грамадзян, якія падпалі пад расейскія санкцыі, не апублікаваны.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG