Лінкі ўнівэрсальнага доступу

Беларусь і ААЭ дамовіліся пра «бязьвіз» са студзеня 2021 году


Самалёт каля Нацыянальнага аэрапорту «Менск»

16 студзеня 2021 году пачне дзейнічаць бязьвізавы рэжым паездак для грамадзян паміж Беларусьсю і Аб’яднанымі Арабскімі Эміратамі.

Замежнапалітычнае ведамства ААЭ паведаміла аб завяршэньні ўнутраных працэдураў, неабходных для ўступленьня ў сілу пратаколу «аб унясеньні зьменаў у міжурадавае пагадненьне аб узаемнай адмене візаў для ўладальнікаў дыпляматычных, службовых і спэцыяльных пашпартоў», паведаміў БелаПАН. Пратакол забясьпечыць бязьвізавы рэжым для грамадзян абедзьвюх дзяржаў.

Беларускі бок ратыфікаваў пратакол у сьнежні 2019 году. Пры гэтым размовы пра хуткае падпісаньне ўсіх дакумэнтаў вяліся яшчэ ў 2017–18 гадах.

З 16 студзеня 2021 году ўсе ўладальнікі звычайных беларускіх нацыянальных пашпартоў змогуць уяжджаць, выяжджаць і ехаць транзытам праз тэрыторыю ААЭ, а таксама знаходзіцца на тэрыторыі ААЭ бязь візаў да 90 дзён. Аналягічныя ўмовы ўводзяцца і для грамадзян ААЭ на тэрыторыі Беларусі.

Аб’яднаныя Арабскія Эміраты не ўваходзяць у сьпіс краін «чырвонай зоны», вызначаных міністэрствам здароўя Беларусі для абавязковага карантыну, калі грамадзянін прыяжджае адтуль. Зрэшты, паводле раскладу авіяперавозьніка «Белавія», у бліжэйшыя пасьля пачатку дзеяньня «бязьвізу» тыдні пералётаў паміж Менскам і галоўнымі аэрапортамі ААЭ ў Дубаі і Абу-Дабі няма.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG