Лінкі ўнівэрсальнага доступу

Удзельніцы жаночых маршаў, Ціханоўская, Багінская... Выбралі жанчын 2020 году


Адзін з жаночых маршаў у Менску.

Усе ўдзельніцы жаночых маршаў — жанчыны 2020 году. Такі вынік галасаваньня ў свабодаўскай суполцы ў фэйсбуку «Толькі жанчыны». Першае месца з 30 намінацый атрымалі жанчыны, якія выходзілі на жаночыя акцыі пратэсту са жніўня па сьнежань 2020 году.


Намінаваныя таксама былі Кацярына Андрэева, Кацярына Барысевіч, Вольга Гарбунова, Вольга Карач, Натальля Дуліна, Алена Доўнар, Ганна Севярынец, Аляксандра Дынько, Вольга Севярынец, Марфа Рабкова, Яўгенія Пастарнак, Алена Талстая, Алена Шчарбінская, трыё Калесьнікавай, Цапкалы і Ціханоўскай, 23 жанчыны-палітвязьні ды іншыя.


1 месца — удзельніцы жаночых маршаў

12 жніўня. Першы ланцуг салідарнасьці на Камароўцы ў Менску.
12 жніўня. Першы ланцуг салідарнасьці на Камароўцы ў Менску.

Жаночыя ланцугі салідарнасьці распачаліся ў жніўні як мірны адказ на жорсткі гвалт уладаў. Спачатку гэта былі ланцугі салідарнасьці ў розных месцах, потым яны перарасьлі ў масавыя жаночыя маршы па суботах. Першапачаткова затрыманьняў на жаночых акцыях было няшмат, пазьней удзельніц жаночых акцый пачалі затрымліваць гэтак жа масава і брутальна, як і падчас нядзельных акцый. Жаночыя пратэсты працягваюцца дагэтуль у розных фарматах — гэта і гуляньні зь бел-чырвона-белымі парасонамі ў розных гарадах, і жаночыя паэтычныя маратоны.


2 месца — Сьвятлана Ціханоўская

2 жніўня. Сьвятлана Ціханоўскай на выбарчым мітынгу ў Берасьці.
2 жніўня. Сьвятлана Ціханоўскай на выбарчым мітынгу ў Берасьці.

Яшчэ на пачатку лета пазнаць у твар Сьвятлану Ціханоўскую маглі толькі нешматлікія журналісты, але пасьля жніўня значная частка беларусаў лічыць яе законна абраным прэзыдэнтам краіны і нацыянальным лідэрам. За кароткі прамежак часу Сьвятлана Ціханоўская сустрэлася зь вялікай колькасьцю эўрапейскіх лідэраў; анансавалі яе сустрэчу з абраным прэзыдэнтам ЗША Джо Байдэнам. Уплывовыя сусьветныя мэдыя ўключаюць Ціханоўскую ў сьпісы самых вядомых і ўплывовых жанчын.

Трэцяга сьнежня Сьвятлана Ціханоўская заявіла, што гатовая ўзначаліць Беларусь цягам пераходнага пэрыяду, працуючы разам з Каардынацыйнай радай і Кабінэтам прадстаўнікоў.

3 месца — Ніна Багінская

Ніна Багінская на Маршы мудрасьці 19 кастрычніка.
Ніна Багінская на Маршы мудрасьці 19 кастрычніка.

Пастаянная ўдзельніца акцый пратэсту ў сучаснай Беларусі цягам апошніх некалькі дзесяцігодзьдзяў. Аднак менавіта гэтым летам 73-гадовая мянчанка стала сапраўдным сымбалем мірнага пратэставага руху. Безь яе выяваў зь бел-чырвона-белымі сьцягамі і словаў «Я гуляю» ўжо немагчыма ўявіць Беларусь узору лета-восені 2020 году.

Ніна Багінская: «Веру ў зьмену ўлады летам»
пачакайце

No media source currently available

0:00 0:17:24 0:00

Радыё Свабода прысудзіла Ніне Багінскай штогадовую прэмію «Людзі Свабоды».

2020-ы — Год жанчын


2020 — непрадказальны, незвычайны, драматычны год для ўсёй Беларусі. Яго часта называюць годам жанчын — нацыянальная лідэрка Ціханоўская, жаночае трыё аб’яднаных штабоў, запамінальныя жаночыя маршы, яркая постаць Калесьнікавай, усенародная вядомасьць Ніны Багінскай... Жанчыны прымалі рашэньні, былі субʼектамі ў самых вырашальных сытуацыях. Ці сапраўды гэта быў год жанчын? Якія жанчыны адыгралі нэгатыўную, выключна адмоўную, злачынную ролю ў 2020 годзе? Наколькі за гэты год беларускае грамадзтва прасунулася ў пытаньнях гендэрнай роўнасьці, усьвядоміла праблему хатняга гвалту? Гендэрныя вынікі 2020 году ў перадачы «Толькі жанчыны» падсумоўваюць гендэрная экспэртка, сацыёляг Ірына Саламаціна і блогерка, журналістка Наста Захарэвіч.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG