Лінкі ўнівэрсальнага доступу

Валютная выручка Беларусі за студзень-лістапад 2020 года зьнізілася амаль на 12%


Валютная выручка Беларусі ў студзені-лістападзе 2020 года паменшылася на 11,9% у параўнаньні з аналягічным пэрыядам пазамінулага года, сьведчаць дадзеныя Нацбанку.

Як паведамляе БелаПАН, за 11 месяцаў валютная выручка склала 33,3 мільярды даляраў, скараціўшыся ў параўнаньні з аналягічным пэрыядам 2019 года на 4,5 млрд даляраў.

На думку экспэртаў, значнае скарачэньне валютнай выручкі абумоўлена зьмяншэньнем паставак расейскай нафты ў Беларусь у першым квартале 2020 года, скарачэньнем зьнешняга попыту на беларускія тавары і паслугі з прычыны пандэміі COVID-19, зьніжэньнем сусьветнага кошту сыравінных тавараў (у прыватнасьці, калійных угнаеньняў), якія экспартуе Беларусь.

12 студзеня Аляксандр Лукашэнка, прымаючы з дакладам чальцоў урада, заявіў, што зацьверджаныя плянавыя паказчыкі павінны выконвацца: «Менавіта пляны. Ня нейкія там прагнозы. Гэтую балбатню так званую рынкавую трэба заканчваць».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG