Лінкі ўнівэрсальнага доступу

У Менску запрацуе яшчэ адзін пункт вакцынацыі ад COVID-19


На форуме «Ахова здароўя Беларусі – 2021» арганізуюць вакцынацыю супраць COVID-19 для ўсіх ахвочых, паведамляе афіцыйны тэлеграм-канал Міністэрства аховы здароўя

Цэнтар вакцынацыі запрацуе з 18 траўня.

Як піша партал Tut.by, Вакцынацыю ў Міністэрстве аховы здароўя назвалі новаўвядзеньнем форуму і ўдакладнілі, што яна будзе арганізаваная ў адмысловым мэдычным модулі. Вакцына — «Спутник V» беларускай вытворчасьці.

  • Працэдура зойме менш за гадзіну. Яна складаецца з папярэдняга агляду лекарам, падрыхтоўкі прэпарату (размарожваньне), увядзеньня вакцыны і назіраньня за станам вакцынаванага цягам 30 хвілін пасьля прышчэпкі.

Форум «Ахова здароўя Беларусі – 2021» будзе працаваць 18, 19 і 20 траўня — з 10:00 да 18:00, 21 траўня — з 10:00 да 14:00. Плянуецца, што пункт вакцынацыі будзе адкрыты паводле такога ж раскладу.

Для наведваньня форуму трэба набыць квіток у касе, але ў пункт вакцынацыі ўваход будзе вольным.

8 траўня цэнтар вакцынацыі для ўсіх жадаючых адкрылі ў ГЦ «Экспабэл», аднак неўзабаве стала вядома аб тым, што з 19 траўня ён спыняе працу. У «Экспабэл», спасылаючыся на мэдычных супрацоўнікаў, распавялі: рашэньне органаў аховы здароўя абумоўленае тым, што працэдура вакцынацыі «патрабуе адмысловых умоваў, якія могуць быць забясьпечаныя толькі ў мэдычных установах».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG