Лінкі ўнівэрсальнага доступу

У Літве пачалі будаваць намётавае мястэчка для нелегальных мігрантаў, якія прыходзяць зь Беларусі


Беларуска-літоўская мяжа

Раней афіцыйная Вільня абвінаваціла ўлады Беларусі ў спрыяньні нелегальнай міграцыі, ад чаго штодня на літоўска-беларускай мяжы затрымліваюць мігрантаў.

У Літве для нелегальных мігрантаў з дапамогай вайскоўцаў пачалі будаваць намётавае мястэчка, паколькі цэнтар рэгістрацыі іншаземцаў у Пабрадэ перапоўнены, паведамляе LRT. Ён можа прыняць толькі 240 чалавек, таму нелегалы доўга знаходзяцца на заставах памежнікаў. Іх плянуюць уладкоўваць у інтэрнат школы памежнікаў, інфармуе Delfi. У намётавым мястэчку зьбіраюцца зьмясьціць каля 350 чалавек.

У Вільні на гэтым тыдні заявілі пра значнае павелічэньне колькасьці нелегальных мігрантаў, якія прыходзяць з тэрыторыі Беларусі. Цяпер Літва разглядае магчымасьць прыцягнуць да абароны мяжы зь Беларусьсю войска. Прэзыдэнт краіны Гітанас Наўседа абвінаваціў афіцыйны Менск у спрыяньні нелегальнай міграцыі, а міністарка ўнутраных спраў Літвы Агне Білатайце назвала дзеяньні Беларусі «гібрыднай вайной» супраць Літвы.

9 чэрвеня ў Літве затрымалі яшчэ 6 іншаземцаў, якія незаконным чынам трапілі на тэрыторыю Літвы. Падобныя выпадкі фіксуюцца штодня. Агулам за год затрымалі ўжо звыш 270 чалавек.

Таксама памежная служба Літвы ў траўні зафіксавала на відэа, як беларускія памежнікі хаваюць сьляды незаконнага перасячэньня мяжы. Беларускі бок адмовіўся ад перамоваў, на якія яго запрасілі літоўцы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG