Лінкі ўнівэрсальнага доступу

Адмяняць абмежаваньні на выезд і ўезд у Беларусь наземным транспартам не плянуюць


Памежны пераход Брузгі — Кузьніца на беларуска-польскай мяжы

Міністэрства аховы здароўя адказала па гэтым пытаньні жыхаркі Менску на яе зварот, перадае Tut. by.

Адмяняць абмежаваньні на выезд зь Беларусі наземным транспартам (як і на ўезд) у бліжэйшы час ня маюць намеру. Гэта вынікае з адказу Міністэрства аховы здароўя. Таксама ў ведамстве нагадалі, што абмежаваньні па выезьдзе не распаўсюджваюцца на паветраны транспарт, дзе «больш нізкая верагоднасьць распаўсюджваньня COVID-19».

Такі самы зварот жыхарка Менску адрасавала ў Саўмін, аднак адтуль ліст перанакіравалі памежнікам.

Больш за 2300 чалавек падпісаліся пад пэтыцыяй з патрабаваньнем зьняць абмежаваньні, якія дзейнічаюць у наземных пунктах пропуску на выезд зь Беларусі. Тады Міністэрства аховы здароўя адказала, што пастанова Саўміну, якая абмяжоўвае ўезд і выезд з краіны, «была прынятая з улікам рэкамэндацый Сусьветнай арганізацыі здароўя, а таксама міжнароднага досьведу краін, у тым ліку тых, дзе сытуацыя з COVID-19 стабілізавалася».

Раней СМІ пісалі, што на пачатку чэрвеня Міністэрства аховы здароўя нібыта рэкамэндавала ўраду зьняць забарону на выезд зь Беларусі наземным транспартам.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG