Лінкі ўнівэрсальнага доступу

У Беларусі ўводзіцца сыстэма прафэсійнай атэстацыі мэдычных і фармацэўтычных работнікаў


Ілюстрацыйная выява

Катэгорый будзе тры — другая, першая і найвышэйшая.

Гэта прадугледжана пастановай Міністэрства аховы здароўя Беларусі № 70, інфармуе агенцтва «Інтэрфакс-Захад».

Вызначана, што атэстацыя праводзіцца на прысваеньне або пацьверджаньне кваліфікацыйнай катэгорыі — другой, першай і найвышэйшай, прысваеньне ажыцьцяўляецца пасьлядоўна. Тэрмін дзеяньня — 5 гадоў. Атэстацыя на прысваеньне 2-й кваліфікацыйнай катэгорыі і яе пацьверджаньне зьяўляюцца абавязковымі.

Вызначаныя асобы і ўмовы, пры якіх дапускаюцца выпадкі выключэньня з агульнага парадку пры прысваеньні і пацьверджаньні кваліфікацыйнай катэгорыі:

  • работнікі, якія адпрацавалі на пасадзе службоўца менш за год;
  • цяжарныя жанчыны;
  • работнікі, прынятыя на ранейшае месца працы пасьля вайсковай службы па прызыве, альтэрнатыўнай службы;
  • работнікі, якія знаходзяцца на працяглым (больш за 4 месяцы) лячэньні;
  • работнікі, якія знаходзяцца ў замежных службовых выправах больш за 4 месяцы;
  • асобы, якія знаходзіліся ў водпуску для догляду дзіцяці да дасягненьня ім узросту 3 гадоў.

«Атэстацыйны іспыт складаецца з двух этапаў і праводзіцца ў выглядзе кампутарнага тэставаньня і гутаркі з дэманстрацыяй практычных навыкаў і рашэньнем сытуацыйных задач. Для дэманстрацыі практычных навыкаў можа быць выкарыстана сымуляцыйнае абсталяваньне лябараторый для адпрацоўкі навыкаў», — праінфармавалі ў Міністэрстве аховы здароўя.

Таксама пастановай вызначана, што найвышэйшая кваліфікацыйная катэгорыя пацьвярджаецца па выніках толькі экспэртнай ацэнкі справаздачы аб прафэсійнай дзейнасьці работніка, атэстацыйны іспыт для пацьверджаньня найвышэйшай кваліфікацыйнай катэгорыі не праводзіцца.

Мэдычныя і фармацэўтычныя работнікі, якія маюць дзейныя кваліфікацыйныя катэгорыі на дзень набыцьця моцы новай пастановы, будуць праходзіць прафэсійную атэстацыю на яе пацьвярджэньне па заканчэньні чатырох гадоў і дзевяці месяцаў з дня ўступленьня ў сілу пастановы, гэта значыць у 2025-2026 гадах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG