Лінкі ўнівэрсальнага доступу

Прадстаўнікі Эўразьвязу і Дзярждэпартамэнту ЗША асудзілі атаку на НДА ў Беларусі

абноўлена

Пэтэр Стана

Прадстаўнік Эўразьвязу заявіў, што падобныя дзеяньні ўладаў Беларусі будуць мець наступствы.

«Беларусь: працягваюцца арышты і ператрусы, [скіраваныя] супраць „Вясны“, Хэльсынскага камітэту і іншых НДА. Рэжым Лукашэнкі, які баіцца незалежных галасоў, цяпер праводзіць поўнамаштабную атаку, каб прымусіць іх змоўкнуць раз назаўсёды. Грубыя парушэньні правоў чалавека і свабодаў будуць мець наступствы», — напісаў у Twitter прэсавы сакратар дыпляматычнай службы Эўразьвязу Пэтэр Стана.

З асуджэньнем ператрусаў і затрыманьняў у Беларусі выступіў і прэс-прадстаўнік Дзяржаўнага дэпартамэнту ЗША Нэд Прайс.

«Мы далучаемся да нашых партнэраў у асуджэньні сёньняшніх рэйдаў беларускіх уладаў, накіраваных супраць сама меней 19 грамадзянскіх, палітычных і адукацыйных НДА. Ясна, што ў Беларусі палітычны крызіс. Адзіны спосаб выйсьці зь яго — спыніць рэпрэсіі і вызваліць усіх палітычных зьняволеных».

Ад раніцы 14 ліпеня сілавікі прыйшлі зь ператрусам да праваабаронцаў і ў іншыя няўрадавыя арганізацыі. Вядома пра затрыманьне больш як дзясятка чалавек.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG