Лінкі ўнівэрсальнага доступу

Затрыманых журналістаў Белсату і Свабоды прызналі палітвязьнямі


Зьняволеныя журналісты Алесь Дашчынскі, Інэса Студзінская, Алег Грузьдзіловіч.

Таксама праваабарончыя арганізацыі ў супольнай заяве прызналі палітвязьнямі затрыманую 29 чэрвеня экспэртку ў сфэры дзяржаўнага кіраваньня Тацьцяну Кузіну і затрыманую 30 чэрвеня рэдактарку рэсурсу «Наше мнение», палітоляга Валерыю Касцюгову.

16 ліпеня пасьля ператрусаў былі затрыманыя журналісты Алег Груздзіловіч, Інэса Студзінская і Алесь Дашчынскі, якія шмат гадоў працавалі на Радыё Свабода і летась былі пазбаўленыя акрэдытацыі, а таксама журналісты тэлеканалу Белсат Ганна Галёта і Ігар Ільяш.

Раней 20 ліпеня супрацоўнік менскага ізалятара на завулку Акрэсьціна паведаміў родным, што Алег Грузьдзіловіч і Алесь Дашчынскі затрыманыя да 10 дзён. Інфармацыі пра Іну Студзінскую няма. Сваякам і калегам дагэтуль невядома, у чым абвінавачваюцца журналісты.

Справу вядзе ўпраўленьне Сьледчага камітэту па Менску. Адвакатаў па-ранейшаму ніхто нікуды не выклікаў і нічога не паведамляў, хоць яны даслалі паведамленьні пра абарону.

Кіраўнік Радыё Свабодная Эўропа / Радыё Свабода Джэймі Флай зрабіў заяву з нагоды затрыманьня журналістаў:

«Арышт Алеся Дашчынскага з РСЭ / РС — як і арышты яго калегаў Алега Грузьдзіловіча, Іны Студзінскай і многіх іншых незалежных беларускіх журналістаў — зьяўляецца апошнім яркім сьведчаньнем адчаю Аляксандра Лукашэнкі. Гэтыя бесьперапынныя напады на журналістаў, якія служаць народу Беларусі, не схаваюць праўды аб тым, што адбываецца ў краіне. Алесь і яго калегі павінны быць неадкладна вызваленыя».

Агулам па стане на 20 ліпеня праваабарончыя арганізацыі Беларусі прызналі палітвязьнямі 577 чалавек.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG