Лінкі ўнівэрсальнага доступу

Байдэн абвясьціў пра вакцынацыю фэдэральных службоўцаў


Джо Байдэн

Усе службоўцы фэдэральнага ўраду ЗША мусяць прайсьці вакцынацыю ад COVID-19 або рэгулярна рабіць аналізы і прымаць іншыя захады для стрыманьня пашырэньня вірусу. Пра гэта абвясьціў прэзыдэнт Злучаных Штатаў Джо Байдэн.

Фэдэральны ўрад — найбуйнейшы працадаўца, і крок Байдэна можа паслужыць прыкладам для прыватных прадпрыемстваў і іншых установаў пры росьце захворваньня ў выніку пашырэньня штаму «Дэльта», піша «Голас Амэрыкі».

Паводле крыніцаў, уводзіць абавязковую вакцынацыю фэдэральных службоўцаў пад пагрозай звальненьня не плянуюць.

Паводле зьвестак з 2020 году, у Злучаных Штатах больш за два мільёны цывільных дзяржаўных службоўцаў.

Нацыянальны прафсаюз дзяржаўных службоўцаў, у які ўваходзяць працаўнікі 34 міністэрстваў і агенцтваў, заявіў, што падтрымлівае вакцынацыю ад каранавірусу, і заклікаў установы даць працаўнікам выходныя дні, каб яны маглі зрабіць прышчэпку і акрыяць ад магчымых пабочных эфэктаў.

ЗША знаходзяцца на першым месцы ў сьвеце паводле захворваньня каранавірусам. З пачатку пандэміі ў краіне захварэлі больш за 35,5 мільёна чалавек. Памерлі больш за 600 тысяч пацыентаў. Цалкам вакцынаваныя амаль 50 працэнтаў жыхароў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG