Лінкі ўнівэрсальнага доступу

Сьледчы камітэт заявіў пра 4691 справу, заведзеную за пратэсты ў Беларусі


Дзьмітры Гара, кіраўнік Сьледчага камітэту.

У СК назвалі два найпапулярнейшыя артыкулы, паводле якіх заводзілі крымінальныя справы на беларусаў у першым паўгодзьдзі 2021 году.

Сьледчы камітэт падсумаваў вынікі працы за палову 2021 году, там прызналі, што асноўныя намаганьні арганізацыі канцэнтруюцца на «выяўленьні, спыненьні і дасьледаваньні абставінаў крымінальных праяў, спалучаных зь незаконнымі масавымі мерапрыемствамі, беспарадкамі, пратэставымі акцыямі, замахам на дзяржаўны сувэрэнітэт і грамадзкую бясьпеку, наўмыснае зьнішчэньне і пашкоджаньне маёмасьці, гвалтам і пагрозамі ў дачыненьні службовых асоб і членаў іх сем’яў».

Агулам за паўгода сьледчыя падразьдзяленьні завялі 4691 крымінальную справу па 4196 «фактах такіх праяў».

Большасьць складаюць справы па арт. 341 (апаганеньне збудаваньняў і псаваньне маёмасьці) і арт. 369 (абраза прадстаўніка ўлады) Крымінальнага кодэксу Рэспублікі Беларусь.

У суд накіравалі 825 справаў. Старшыня СК Дзьмітры Гара заявіў, што «адказнасьць такіх асоб няўхільная».

Менавіта Гара — у 2020 годзе намесьнік генэральнага пракурора — узначальваў камісію, якая абяцала расьсьледаваць факты зьбіцьця людзей сілавікамі. У выніку не завялі ніводнай крымінальнай справы ні на каго з прадстаўнікоў сілавых ведамстваў. Пра дзейнасьць той камісіі няма ніякай інфармацыі. Сам Гара неўзабаве ўзначаліў Сьледчы камітэт.

Праваабаронцы па стане на 29 ліпеня прызналі палітвязьнямі 597 чалавек.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG