Лінкі ўнівэрсальнага доступу

Журналістка Яніна Мельнікава ня выйшла на волю пасьля допыту


Яніна Мельнікава

Рэдактарка «Зялёнага парталу» Яніна Мельнікава, у якой сёньня раніцай прайшоў ператрус, ня выйшла на волю пасьля допыту

Пра гэта паведаміў Тэлеграм-канал Беларускай асацыяцыі журналістаў.

«Верагодна, Мельнікаву затрымалі на 72 гадзіны, але дакладнай інфармацыі няма» — паведамляе канал.

Сёньня раніцай Мельнікава пасьпела паведаміць у сацсетках, што да яе прыйшлі з ператрусам. Як адзначае «Эўрарадыё», паводле неафіцыйнай інфармацыі сілавікі выбілі дзьверы ў яе кватэры. Пасьля ператрусу журналістку забралі на допыт.

«Зялёны партал» — мэдыяпраект «Зялёнай сеткі», супольнасьці экалягічных арганізацый, ініцыятыў, экспэртаў і актывістаў, аб’яднаных прынцыпамі добраахвотнасьці, партнэрства і раўнапраўя.

Місія «Зялёнай сеткі» — дасягненьне гармоніі паміж чалавекам і прыродай праз устойлівае разьвіцьцё і моцны зялёны рух.

Таксама стала вядома пра ператрус у кватэры, дзе жыве сябра рады грамадзкага аб’яднаньня «Экадом», актывістка Беларускай антыядзернай кампаніі Ірына Сухій.

31 жніўня Вярхоўны суд ліквідаваў «Экадом» на пазоў Міністэрства юстыцыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG