Лінкі ўнівэрсальнага доступу

Амрула Салех, які пасьля ўцёкаў прэзыдэнта Афганістану абвясьціў сябе лідэрам, таксама пакінуў краіну


Амрула Салех

Былы віцэ-прэзыдэнт Афганістану Амрула Салех пакінуў краіну, паведамляе ў панядзелак агенцтва «Анадолу» са спасылкай на прадстаўніка руху «Талібан».

Паводле яго, Салех паляцеў у Таджыкістан.

Пасьля ўцёкаў афганскага прэзыдэнта Ашрафа Гані віцэ-прэзыдэнт Афганістана Амрула Салех адправіўся ў правінцыю Панджшэр, апошнюю ў краіне, якую не кантралявалі талібы.

Як паведамлялася, ён заявіў, што, згодна з Канстытуцыяй краіны, цяпер ён зьяўляецца законным кіраўніком дзяржавы. Салех і лідэр Фронту нацыянальнага супраціву Ахмад Масуд разам выкарыстоўвалі даліну Панджшэр у якасьці базы для арганізацыі супраціву «Талібану».

У нядзелю Масуд на сваёй старонцы ў Facebook заявіў пра гатоўнасьць да перамоваў з талібамі. Як паведамляе Reuters, раней сілы «Талібану» заявілі, што прарваліся ў сталіцу Панджшэра, горад Базарак, пасьля ўстанаўленьня сваёй улады ў суседніх раёнах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG