Лінкі ўнівэрсальнага доступу

За спасылкі на «Белсат». У Беларусі паўторна заблякавалі сайт «Беларускі партызан»


Такі надпіс зьяўляецца пры спробе адкрыць заблякаваныя сайты ў Беларусі

У часткі інтэрнэт-карыстальнікаў у Беларусі перасталі адкрывацца сайты «Беларускі партызан», freesmi.by і сайт Магілёўскага рэгіёну 6tv.by. Іх заблякавалі паводле рашэньня Міністэрства інфармацыі.

14 верасьня факт блякаваньня сайту «Беларускага партызану» атрымаў афіцыйнае пацьверджаньне.

З загаду за подпісам першага намесьніка міністра інфармацыі Андрэя Кунцэвіча вынікае, што парушэньнем лічацца тры гіпэрспасылкі на рэсурсы тэлеканалу «Белсат».

Раней Чыгуначны суд Гомля прызнаў сайт і сацсеткі «Белсату» «экстрэмісцкімі». Забаронены нават лягатып тэлеканалу.

Сайт «Беларускі партызан» першы раз Міністэрства інфармацыі заблякавала ў 2017 годзе. Тады рэсурс памяняў адрас belaruspartisan.org на belaruspartisan.by.

За апошні час беларускія ўлады заблякавалі дзясяткі беларускіх сайтаў незалежных мэдыя, сярод іх таксама сайт Беларускай службы Радыё Свабода.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG