Лінкі ўнівэрсальнага доступу

Пракуратура патрабуе заблякаваць доступ да парталу Hrodna.life за «дыскрэдытацыю» дзяржавы і сілавікоў


Надпіс на сьцяне ў рэдакцыі парталу Hrodna.life

Пракуратура Горадзенскай вобласьці вырашыла абмежаваць доступ да горадзенскага інтэрнэт-рэсурсу Hrodna.life, паведамляе Hrodna.life.

Пастанову за подпісам Эдуарда Бурака, які выконвае абавязкі абласнога пракурора, накіравалі 16 верасьня ў Міністэрства сувязі і інфарматызацыі і ў дзяржаўную інспэкцыю па электрасувязі.

Цяпер сайт hrodna.life адкрываецца свабодна.

Прычынамі блякаваньня сайта ўлады называюць:

  • «Асобныя артыкулы якія суправаджаюцца відэаматэрыяламі, якія нэгатыўна характfрызуюць Беларусь пасьля выбарчай кампаніі і дыскрэдытуюць дзейнасьць дзяржаўных праваахоўных органаў».
  • Прыцягненьне рэдактараў «Гродна Лайф Медыя» Аляксея Шоты і Ірыны Новік да адміністрацыйнай адказнасьці за распаўсюд экстрэмісцкіх матэрыялаў.

«Наш сайт — ня першы і не апошні рэсурс, заблякаваны ўладамі за год пасьля выбараў. Гэта было не пытаньнем парушэньняў ці іх адсутнасьці, а толькі пытаньнем часу. Спачатку разграмілі вялікія парталы. Цяпер чарга дайшла да лякальных мэдыя. Мы былі гатовыя да такога павароту падзей. Ужо прааналізаваны досьвед калегаў, прадуманы далейшыя дзеяньні. Таму не разьвітваемся з нашымі чытачамі. Будзем працаваць далей і інфармаваць пра самыя важныя падзеі ў Горадні», — пракамэнтавала рэдактарка спэцпраектаў Hrodna.life Ірына Новік.

За апошні год рэдакцыя Hrodna.life зазнала арышты, ператрусы і сумарна атрымала больш як $10 тысяч штрафаў. Арганізацыю ААТ «Гродна Лайф Медыя», якой належыць горадзенскі незалежны інтэрнэт-партал HrodnaLife, належыць ліквідаваць да 30 лістапада. Такое рашэньне сёньня вынес эканамічны суд Горадзенскай вобласьці.

Ад сярэдзіны ліпеня па ўсёй Беларусі адбываецца масавая ліквідацыя недзяржаўных арганізацый.

Пад пагрозай існаваньне дзясяткаў асьветніцкіх, праваабарончых, дабрачынных, спажывецкіх, дасьледчых і іншых арганізацый. Іх прадстаўнікоў затрымліваюць, праводзяць у іх дома і ў офісах ператрусы, арыштоўваюць рахункі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG