Лінкі ўнівэрсальнага доступу

Музыку гурту Favourite Mirror і ягоную маці арыштавалі другі раз запар


Турма на Акрэсьціна. Ілюстрацыйнае фота.

Раней мянчук заяўляў пра катаваньні.

35-гадовага музыку і гукарэжысэра Аляксея Бусла разам з 68-гадовай маці, настаўніцай фартэпіяна Тацянай Бусел затрымалі раніцай 9 верасьня на дваровым маршы ў менскай Кунцаўшчыне, паведамляе праваабарончы цэнтар «Вясна».

У кватэры сям’і супрацоўнікі ГУБАЗіК правялі ператрус. 10 верасьня судзьдзя Натальля Бугук пакарала Аляксея і Тацяну 15-суткавымі арыштамі за ўдзел у «несанкцыянаваным масавым мерапрыемстве». Паведамляецца, што Тацяну затрымалі выпадкова — яна адмовілася адыходзіць ад сына, якога на яе вачах зьбівалі міліцыянты, таму сама паехала за ім. Але ва ўпраўленьні на яе таксама склалі пратакол.

На судзе Аляксей заявіў, што «супрацоўнікі ГУБАЗіК ужывалі фізычную сілу і стымулявалі адказваць ударамі і электрашокерам».

Раніцай 24 верасьня маці і сын павінны былі выйсьці на волю, але дома так і не зьявіліся. Пазьней стала вядома, што іх «перазатрымалі» па новых пратаколах.

Іх справы 24 верасьня разгледзелі ў судзе Фрунзэнскага раёну. Судовыя працэсы вялі судзьдзі Ала Скуратовіч і Дзьмітрый Лукашэвіч.

Гэтым разам на Аляксея і Тацяну ў Фрунзэнскім РУУСе склалі пратаколы за дробнае хуліганства, іх абвінавацілі ў тым, што падчас «прафіляктычнай гутаркі» яны «агрэсіўна і з выклікам сябе паводзілі, гучна крычалі, размахвалі рукамі і на заўвагі супакоіцца не рэагавалі». На судзе стала вядома, што нават пратаколы міліцыянты падпісваюць зьмененымі прозьвішчамі. У выніку маці і сына арыштавалі на 13 і 15 сутак адпаведна.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG