Лінкі ўнівэрсальнага доступу

ЗША выставілі абвінавачаньні прапагандысту «Ісламскай дзяржавы»


Забітыя баевікамі «Ісламскай дзяржавы» жыхары Іраку, архіўнае фота

Грамадзянін Канады Махамэд Халіфа ваяваў на баку «Ісламскай дзяржавы» да 2019 году. У 2014 годзе ён браў удзел у распаўсюдзе відэаролікаў пра пакараньне сьмерцю амэрыканскіх журналістаў, захопленых у палон у Сырыі.

Фэдэральная пракуратура ЗША паведаміла ў суботу аб тым, што Міністэрства юстыцыі прад’явіла абвінавачаньні ў дапамозе тэрарыстычнай групоўцы «Ісламская дзяржава» нараджэнцу Саудаўскай Арабіі, грамадзяніну Канады Махамэду Халіфу, інфармуе «Голас Амэрыкі».

Сьцьвярджаецца, што Халіфа ваяваў на баку ІД падчас канфлікту ў Іраку і Сырыі, прымаў актыўны ўдзел у баявых дзеяньнях і працаваў з прапагандыстамі, якія распавядалі ўсяму сьвету аб тым, што ІД абезгалоўлівае сваіх закладнікаў, уключаючы амэрыканскага журналіста Джэймса Фоўлі.

Міністэрства юстыцыі ахарактарызавала Халіфу як «вядучага элемэнта», які ўдзельнічаў у працы англамоўнага СМІ, што прадстаўляла інтарэсы тэрарыстаў у Іраку і Сырыі.

У прыватнасьці, Міністэрства юстыцыі ЗША перакананае, што менавіта Халіфа агучваў англамоўныя відэаролікі аб вярбоўцы ў шэрагі ісламістаў і сам прымаў удзел у баях, пакуль ня быў захоплены ў палон сырыйскімі дэмакратычнымі сіламі — ваенізаванай групай, у якую ўваходзяць пераважна сырыйскія курды, якія падтрымліваюцца Злучанымі Штатамі. Сырыйскія дэмакратычныя сілы ў дадзены момант кантралююць частку краіны.

Халіфа арыштавалі агенты Фэдэральнага бюро расьсьледаваньняў. У суботу ў судзе Ўсходняй акругі Вірджыніі яму афіцыйна прад’явілі абвінавачаньні. Максымальны парог артыкулу, які інкрымінуюць грамадзяніну Канады — сьмяротнае пакараньне.

Ісламская дзяржава ў 2014 годзе апублікавала відэаролікі з расправай над амэрыканскімі журналістамі Джэймсам Фоўлі і Стывэнам Сотлафам, а таксама брытанскімі грамадзянамі Аланам Хенінгам і Дэвідам Хэенсам — супрацоўнікамі гуманітарных арганізацый.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG